web server එකක් මුලසිට හදාගනිමු 2

කලින් ලිපිය කියෙව්වෙ නැතිනම් මෙතනින් ඒක කියවලා ඉන්නකො. අද බලමු MySql සහ php දාගන්නෙ කොහොමද කියලා. තමන්ගෙ කැමැත්ත අනුව MySql වෙනුවට postgresql හෝ mysqlite වගේ ආදේශකයක් දාගන්නත් පුලුවන්.

ස්ථාපණය බොහෝම සරලයි. කලින් ලිපියෙ කියපු විදිහට server එකට ssh කරලා yum භාවිතයෙන් MySql දාගන්න මෙහෙම විධානය දෙන්න.

# yum install mysql-server

ස්ථාපණය ඉවර උනාම sqlserver එක run කරන්න inid.d තුල තියන demon ව run කරන්නයි තියෙන්නෙ.

# /etc/init.d/mysqld start

ස්ථාපණය ඔච්චරයි උනාට configuration කරගන්නත්‌ එපායෑ. මේක අතින් කරන්න කරදර වෙන්න ඕන නෑ. වැඩේ ලේසියෙන් කරගන්න script එකක් ලබාදීලා තියනවා. ඒක run කරලා අහන ප්‍රශ්ණ වලට උත්තර දෙන්නයි තියෙන්නෙ. script එක තියෙන්නෙ /usr/bin තුල.

# /usr/bin/mysql_secure_installation

මුලින්ම අහයි mysql වල root password එක මොකද්ද කියලා. default මුරපදයක් නැතිවයි mysql ස්ථාපණය සිද්ධ වෙන්නෙ. නිකන්ම enter කරන්නයි තියෙන්නෙ. ඊලගට කරන්න තියෙන්නෙ root සදහා අලුත් මුරපදයක් ලබාදෙන එක. මතක තියාගන්න. මෙතන root කියන්නෙ mysql root පරිශීලකයා මිසක් OS එකේ root පරිශීලකයා නෙමේ. ලබාදීපු මුරපදය සහතික කරලා enter කරන්න.

mysql ස්ථාපණය වෙද්දි default විදියට anonymous login සක්‍රීය වෙලායි තියෙන්නෙ. ඇතැම් අවස්ථා වල මෙහෙම තියන එක පහසුවක් උනාට ආරක්ශාව අතින් නම් මේක හොද දෙයක් නෙමේ. ඕන කෙනෙක්ට පරිශීලක නාමය anonymous සහ මුරපදයක් නැතිව mysql හා සම්බන්ධ වෙන්න පුලුවන් read only permission සහිතව. අනවශ්‍ය ලෙඩ දාගන්න ඕනෙ නෑ නෙ. ඒක නිසා මේක disable කරන්න y ලබාදීලා enter කරන්න.

default සැකසුම් වලට අනුව root ට වෙනත් පරිගණකයක ඉදලා සම්බන්ධ වෙන්න පුලුවන්. උදාහරණයක් විදිහට mysql client (හෝ server) ස්ථාපණය කරලා තියන වෙනත් පරිගණකයක ඉදලා

# mysql -h <ඔයාගෙ server එකේ ip එක> -u root -p

# mysql -h 192.168.11.10 -u root -p

කියලා දීලා ඔයාගෙ mysql සවාවට සම්බන්ධ වෙන්න පුලුවන්. ආරක්ෂිතව server එකට ssh කරන්න පුලුවන් කම තියෙද්දි වෙනත් පරිගණකයක sql client එකකින් ඉහත කියපු විදිහට සම්බන්ධ වෙන්න උවමනාවක් නෑ නෙ. phpmyadmin වගේ සේවවකට උනතත් මේ සැකසුමෙන් බාධාවක් වෙන්නෙ නෑ සේවාවන් දෙකම එකම server එකේ install කරලා තියනකොට. remote root login අක්‍රීය කරන්න y ලබාදීලා enter කරන්න.

mysql ස්ථාපණය වෙනකොට test කියලා database එකක් හැදෙනවා test data ටිකක් එක්ක, developers ලට අතපතගාලා බලන්න. server එකට මේක තියාගන ඉන්න එකේ වැඩක් නෑ නෙ. අනික server එකක වැඩ කෙරෙන්න උවමනාම දේවල් ඇරෙන්න අනවශ්‍ය දේවල අයින් කරලා පිලිවලට තියාගන්න ඕනා කියලා අමුතුවෙන් කියන්න ඕනෙ නෑ නෙ. test database එක ඉවත්‌කරන්න y දීලා enter කරන්න.

අර anonymous login පහසුකම disable කලා මතකනෙ. පරිශීලකයන්ගෙ rights වෙනස් කරපුවහම ඒවා සක්‍රීය වෙන්න නම් privilege tables reload කරන්න ඕනා. y කියලා enter කරන්න.

උවමනාම නම් ඇරෙන්න නිතරම root පාවිච්චි කරන එක එච්චර හොද පුරුද්දක් නෙමේ. ඒකනිසා තමන්ගෙ නමින් user account එකක් තියාගන්න එක හොද පුරුද්දක්. මේ සදහා mysql වලට log වෙන්න.
# mysql -u root -p ලෙස විධානය ලබාදෙන්න. මුරපදය ඉල්ලුවහම ඔයා අර script එක ධාවනය කරලා ලබාදීපු මුරපදය ලබාදෙන්න. mysql> විදිහට prompt එක වෙනස් උනා කියන්නෙ ඔයා mysql වෙත සාර්ථකව log වෙලයි ඉන්නෙ.
අලුත් පරිශීලක ගිනුමක් හදන්න

mysql> CREATE USER 'නම'@'localhost' IDENTIFIED BY 'මුරපදය';

අලුත හදපු පරිශීලකයට සම්පූර්ණ බලතල දෙන්න

mysql> GRANT ALL PRIVILEGES ON *.* TO 'නම'@'localhost' WITH GRANT OPTION;

ඔය *.* කියන එකෙන් අදහස් වෙන්නනෙ <සියලුම database> . <සියලුම tables> කියන එකයි. WITH GRANT OPTION කියන්නෙ පරිශීලකයට තියන බලතල වෙනත් පරිශීලකයෙකුට ලබාදරන්න ඒ පරිශීලකයට බලතල දෙන්න කින එක. application සදහා පරිශීලක ගිනුම් සදනකොට ඔය WITH GRANT OPTION කොටස ලබාදෙන්න එපා.

mysql ස්ථාපණය කරලා configure කිරිල්ල ඔච්චරයි. දැන් තියෙන්නෙ PHP ස්ථාපණය කරන්න.

# yum install php php-common

php සදහා විවිධ application සහය දක්වන්න ඒ සදහා අදාල package එක ස්ථාපණය කරගත යුතුයි.
mysql සදහා සහයදක්වන්න

# yum install php-mysql

ඔය විදිහට php සහය සහිත අනිත් packages බලාගන්න පහත විධානයෙන් පුලුවන්

# yum list php-* | more

more වලින් කරන්නෙ output එක පිටුවකට පෙනන විදියට දර්ශණය කරන එක කියලා දන්නවනෙ ;)

php සාර්ථකව ස්ථාපණය වෙලාද බලන්නෙ මෙන්න මෙහෙම. ඔයාගෙ apache ස්ථාපණය document root එක විදිහට සලකන්නෙ /var/www කියන directory එක. එන පොඩි php ගොනුවක් හදන්නයි තියෙන්නෙ.

#nano /etc/www/phpinfo.php කියලා අලුත් ගොනුවක් විවෘත කරගන පහත කේතය ලබාදෙන්න
< ?php phpinfo(); ? >

ctrl + x ලබාදීලා save කරන්න y දීලා enter කරන්න.
දැන් ඔයාගෙ browser එකේ http://< server ip එක >/phpinfo.php දීලා බලන්න php විස්තර සහිත වෙබ් පිටුවක් දිස්වෙනවද කියලා?





පිටුව හොයාගන්න බෑ කියලා error එකක් එනව නම් apache වල document root එක /var/www වලට නේද set වෙලා තියෙන්නෙ කියලා double check කරන්න.

#nano /etc/httpd/conf/httpd.conf

nano කියන්නෙ text editor එකක් කියලා දන්නවනෙ. ඔය configuration file එකේ document root කියන variable එක කොහෙද තියෙන්නෙ කියලා ගොයාගන්නයි තියෙන්නෙ. search කරන්න ctrl + w ගහලා documentroot කියලා type කරලා enter කරන්න.

DocumentRoot "/var/www" කියලා නෙමේ නම්‌ පෙන්වන්නෙ, ඔය විදිහට වෙනස් කරගන්න.

ඊට පස්සෙ apache restart කරන්න

#/etc/init.d/httpd restart

වැඩිදුර configuration කරන හැටි ඊලග ලිපියෙන් බලමු

web server එකක් (තේරුමක් ඇතුව) මුලසිට හදාගනිමු 1

කලින් ලිපි වලින් කියපු ආකාරයට virtual network එකක් හදාගෙන නම් තියෙන්නෙ, නමෝ විත්තියෙන් web server එකක් configure කරගන්න විදිහ පැහැදිලි කරන්නයි මේ හදන්නෙ. ජාලයක් කියන්නෙ සුපිරි වෙළදසැල් සංකීර්ණයක් නම් පරිශීලකයො කියන්නෙ පාරිභෝගිකයො නම් servers කියන්නෙ විවිධ සේවා ලබාදෙන වෙලදසැල් වගේ. සමහර වෙලදසැල් වල "එකම වහලක් යටින් අම්බානක් සේවා" දෙනකොට සමහර වෙලදසැල් ඒ අයට විශේෂිත එක සේවාවක් ලබාදෙනවා. අපි මේ කරන්න යන්නෙ වෙළදසැල් සංකීර්ණයකින් ගොඩනැහිල්ලක් අරගෙන ඒක සේවා සපයන ස්ථාණයක් බවට පෙරලන ක්‍රියාවලිය පියවරෙන් පියවර කරලා බලන්න.

server OS එක විදිහට අපි පාවිච්චි කරන්න යන්නෙ Redhat කට්ටියගෙම වැඩක්‌වන CentOS කියන මෙහෙයුම් පද්ධතිය. වැඩේට option දෙකක් තියනවා, එකක් තමා centos වෙබ් අඩවියෙන් DVD image එක download කරගෙන සම්පූර්ණයෙන් OS installation එක සිද්ධ කරන එක (ගොඩනැගිල්ලත් තමන්ම හදනවා වගේ). දෙවනි option එක තමා CentOS VM එකක් download කරගෙන ඩෝං ගාලා වැඩ පටන්ගන්න එක (හදපු ගොඩනැහිල්ලක් අරගෙන වැඩ පටන්ගන්න එක) . CentOS 5.3 VM එකක් මෙතනින් torrent එකක් විදිහට බාගන්න පුලුවන්. download උනාට පස්සෙ ගොනුව extract කරලා vmware player එකෙන් .vmx ගොනුව විවෘත කරගන VM එක ධාවනය කරන්නයි තියෙන්නෙ.

cloud server එකක් එහෙම මිලදී ගන්නවනම් මෙන්න මේ ආකාරයේ ස්ථාපණතක් සහිත server එකක් සහ ඒකට username/password තමයි ලැබෙන්නෙ. දැන් කරන්න තියෙන්නෙ අලුත ගත්ත ගොඩනැගිල්ල වෙළදසැලක් බවට පෙරලන ක්‍රියාවලිය. මුලින්ම බලමු මේ VM එකේ IP එක මොකද්ද කියලා. ඔය VM එකක් විදියට ලබාගත්ත ස්ථාපණය සදහා root මුරපදය barebone ලෙසයි ලබාදීලා තියෙන්නෙ. log වෙලා ipconfig දීලා IP එක බලාගන්න දන්නවනෙ. මෙතන ඉදලා අපි VM එක අතින්වත් අල්ලන්න බලාපොරොත්තුවක් නෑ. cloud server එකක් ගත්තම අපිට server එක ලගට යන්න දෙන්නෙ නෑ නෙ. ip එකයි username/password විතරනෙ දෙන්නෙ. අපි මේ VM එකටත් ඒ විදිහටයි සලක්න යන්නෙ.

දැන් ගන්න shell එක ඔයාගෙ host මෙහෙයුම් පද්ධතියෙ. එතන ඉදලා කලින්‌ බලාගත්තු VM එකේ IP එකට ssh හරහා සම්බන්ධ වෙන්න. වැඩේ සරලයි

ssh root@ < VM එකේ IP එක >

ssh root@192.168.11.128

පලවෙනි වතාවට මේ විධානය දුන්නම මෙන්න මේ වගේ පනිවිඩයක් පෙන්වයි.
The authenticity of host '192.168.11.128 (192.168.11.128)' can't be established.
RSA key fingerprint is xx:xx:xx:xx:xx:xx:xx:xx:xx:xx:xx:xx:xx:xx:xx:xx.
Are you sure you want to continue connecting (yes/no)?

yes කියලා type කරලා enter කලාම root සදහා මුරපදය අහයි. මුරපදය ලබාදුන්නම අපූරුවට server එකට shell එකක් ලැබෙනවා. දැන් ඉතින් තියෙන්නෙ වැඩ පටන්ගන්න. අපි web server එක විදිහට පාවිච්චි කරන්න යන්නෙ කාටත්‌පුරුදු apache. ස්ථාපණය බොහොම සරලයි. CentOS, Fedora වල yum කියන්නෙ ubuntu වල apt-get වගේ package manager එකකට. syntax එක සුපුරුදු විදියම තමා.

yum install httpd mod_ssl

ගනන් හදලා කරලා මෙච්චර මෙච්චර download කරන්න තියනවා 'හා ද?' කියලා අහපුවම 'හා' කියලා enter කරන්න.

shell එක ලැබිලා තියෙන්නෙ root විදියට නිසා sudo පාවිච්චි කරන්න උවමනාවක් නෑ කියලා දන්නවනෙ ;) ඔය විධානය execute වෙලා ඉවර උනහම ඔයාගෙ VM එක apache run වෙන server එකක්. apache run කරන්න මේ විදිහට විධානය ලබාදෙන්න

/etc/init.d/httpd start

ඔය /etc/init.d/ folder එක කියන්නෙ windows වල services window එක වගේ තැනක්. උදාහරණයක්‌විදිහට apache සේවාව නවත්වන්න නම් /etc/init.d/httpd ඉදිරිට start වෙනුවට stop කියලා ලබාදෙන්න තියෙන්නෙ. ඒ වග restart සහ status වලින් කෙරෙන දේ ගැන හිතාගන්න පුලුවන් නේද? (බෑ නම් කරලා බලන්න ;) )

web service එක ධාවනය උනාට විතරක් මදි. දොර ඉස්සරහා ඉන්න මුරකාරයගෙ වැඩේ කඩේට එබිකම්‌ කරන්න එන ඈයන්ව, අරව මේවා අහගෙන එන අයව එලවන එකනෙ. ඉතින්‌ මුරකාරයට කියන්න ඕනා දැන්‌ ඉදලා web සේවාව ඉල්ලන් එන අයව ඇතුලට ගන්න කියලා. web සේවාව සපයන්නෙ port 80 තුලින් කියලා දන්නවනෙ? එහෙනම් firewall එකේ port 80 විවෘත කරමු.

iptables -I RH-Firewall-1-INPUT -p tcp --dport 80 -j ACCEPT

iptables කියන්නෙ අපේ firewall මෘදුකාංගය. ඔන්න ඔය විදිහට අපි එයාට කිව්වම web සේවා හොයන් එන කට්ටියව ඇතුලට ගන්න කියලා, වැඩේගොඩ.

දැන් ඔයාගෙ browser එක අරගෙන VM එකේ IP එක ලබාදීලා‌බලන්න.



ඔය වගේ පිටුවක් ලැබුනම ඒකෙ තේරුම මොකද්ද කියලා අමුතුවෙන් කියන්න ඕනෙ නෑ නෙ. ඔයාගෙ web server එක අපූරුවට up and runing. (කරුමෙකට හරි ඔය පිටුව ආවෙ නැතිනම් /etc/init.d/httpd restart දෙන්න) එහෙමයි කියලා පැත්තකට වෙන්න විදිහක් නෑ. ඇයි, අනිත් configuration කරන්නෙ පොලිසියෙන් ඈ?

මුලින්ම server එක restart කරපුවාව apache ඉබේම ධාවනය වෙන්න හදන්න එපායැ. server එක restart කරන හැම සැරේම services අතින් start කරන්න ගියොත් වෙන වැඩක් නැති වෙයි.

/sbin/chkconfig httpd on

බඩු වැඩද කියලා check කරලා බලන්නෙ මෙහෙම

/sbin/chkconfig --list httpd


web server එකකට නැතිවම බැරි ඩබලක් නෙ php සහ mysql කියන්නෙ. ඔය දෙක දාගන්න හැටි සහ httpd.conf ගොනුවෙ අපිට උවමනා විදිහට වෙනස්කම් කරන හැටි ඊලග ලිපියෙන් බලමු. 

links
VM ටොරන්ට් එකේ සැබෑ හිමිකරු
http://office.bensoft.com/minCentos53/

තමන්ගේම කියා network එකක් - 2

කලින් ලිපිය බලලා virual machine දෙකතුනක් හදාගන්න ඇති නෙ. දැන් බලමු කොහොමද මේවයින් පුංචි පහේ නෙට්වර්ක් එකක්‌ හදාගන්නෙ කියලා. මුලින්ම අපි network adapter එකක් හදාගන්න ඕනා අපිට උවමනා IP range එකක් දීලා. මේ සදහා VMWare ස්ථාපණය සමග ලැබුනු Virtual Network editor පාවිච්චි කරලා add network කියන බොත්තම ඔබන්න.



එතනින් ලැබෙන සංවාද කොටුවෙ මොන ආකාරයේ network එකක්‌ද හදන්න ඕනා කියලා තෝරන්න තියනවා. සාමා..යෙන් මෙතනදි තෝරන්න ඕනා host-only කියන option එක. නමුත් ඊලග ලිපියට පහසු වෙන්න අපි NAT කියන option එක භාවිතා කරලා මේ adapter එක හදාගමු. network name එකට කැමති ඉලක්කමක් දීලා (තියන එකම ඔහෙ තියෙන්න අරින්න) add කියන බොත්තම ඔබන්න



ඊට පස්සෙ අපි මේ adaptor එකට subnet IP එකක්‌ලබාදෙන්න ඕනා. හොදම වැඩේ තමා ඔයාගෙ පරිගණකයෙ IP එක බලලා ඒ range එකෙන් පිට range මෙතෙන්ට ලබාදෙන එක. මොකද හුගක්‌ වෙලාවට ඔයාට IP එක ලැබෙන්නෙ රව්ටරේ DHCP වලින්. ඔයා මොකක් හරි IP එකක් හෙව්වොත්‌ ඒ request එක යන්නෙ රව්ටරේට. මේ network adapter එකෙනුත් කරන්නෙ ඒ දේ මයි. ඉතින් දෙන්නෙක් එකම වෙලේ එකම දේ කරන්න ගියපුවාම වැඩේ ලෙඩේ වෙනවා කියලාදන්නවනෙ.



ගෙදර broadband පහසුකම නැතිනම් ඔයාට IP එකක් පෙනරවන්නෙ නෑ. ඒ වගේ අවස්ථාවකදි පරිගණකයේ IP එක සහ netmask එක maually ලබාදෙන්න පහත විධානය භාවිතා කරලා.

#ifconfig <පරිගණකයේ network card එක> <භාවිතා කල යුතු IP එක> netmask 255.255.255.0
#ifconfig eth0 192.168.101.1 netmask 255.255.255.0

ඊට පස්සෙ ඒ range එකට පිට එකක් Virtual Netwok adapter එකේ subnet IP එක විදියට ලබාදෙන්න



adapter එකේ නම මතක තියාගෙන save බොත්තම click කලාම ඒ වැඩ ටික ඉවරයි. ඊට පස්සෙ කරන්න තියෙන්නෙ VMWare Player run කරලා අලුත හදාගත්තු adapter එක ඔයාගෙ VM වලට ආදේශ කරන එක. මේ සදහා අදාල vm එක තෝරලා edit virtual machine settings වෙත ගිහිල්ලා අලුත හදාගත්තු netwok adapter එක තෝරන්න.



දැන් තියෙන්නෙ VM එක run කරන්න. VM එක boot වුනාම IP එක දිහා බැලුවොත් පෙනෙයි අපි දීපු range එක තුල ලිපිනයක්‌ එයාට ආදේශ වෙලා තියන වග. Windows XP VM එකක් තුල file share එකක් හදලා බලමුද ඒක access කරන්න පුලුවන්ද කියලා? කරන්න තියෙන්නෙ share කරන්න ඕනා ගොනුවෙ right click කරලා properties චල sharing කියන tab එකට යන්න.



එතන "if you understand the security risks, but want to share...." කියලා තියන link එකේ click කරලා just enable file sharing තේරුවනම්‌ වැඩේ හරි. කැමති නම්‌ ඉතින් wizard එක follow කරන්නත්‌ පුලුවන්. ඊට පස්සෙ "share this folder on the network" කියන තැන tick කරලා OK කරන්න.



share කරපු folder එකට යටින් මේ පින්තූරෙ පෙන්නනවා වගේ අතක්‌ වැටිලා තියනවා කියලා පෙනෙයි.



දැන් තියෙන්නෙ share එක access කරලා බලන්න. VM එකේ command prompt එක අරගෙන ipconfig ගහලා IP එක හොයාගන්න දන්නවනේ. ඊට පස්සෙ ubuntu වල (හෝ ඔයාගෙ host machine එකේ) places->connect to a server ගිහිල්ලා VM එකේ IP එක දීලා connect වෙන්න බලන්න.



nmap ගැන කතා කලා මතක ඇතිනෙ? nmap කරලත්‌ බැලුවනම් VM එකට ;)

තමන්ගේම කියා network එකක් - 1

හුගදෙනෙක්ට තියන ප්‍රශ්ණයක් තමා networking වලට ආසා උනාට හැප්පිලා පෙරලිලා බලන්න computer දෙකක් නැති එක. තමන්ගෙම network එකක්‌ ගෙදර හදාගන්න එක ප්‍රායෝගික නෑ නෙ. වැඩ කරන තැන network එකේ හැප්පිලා පෙරලිලා ඒක කඩලා දාන්නත් බෑ නෙ. මේකට තියන හොදම විසදුම තමයි සත්‍යාසන්න ජාලයක් එහෙමත්‌ නැතිනම්‌ virtual network එකක්‌ හදාගන්න එක. මේ සදහා සහය දක්වන ප්‍රසිද්ධම මෘදුකාංග තමා VMware, Citrix සහ VirtualBox කියන්නෙ. Windows 7 පාවිච්චි කරන අය එහෙම VirtualPC එක්ක එහෙම දැනටමත් ඔට්ටු වෙලා ඇති නෙ. Citrix සහ VMWare වගේ නෙමේ VirtualBox සම්පූර්ණයෙන්ම නොමිලේ දෙන මෘදුකාංගයක්. නමුත් මම මේ ලිපියෙන් කතා කරන්න යන්නෙ VMWare භාවිතා කරලා network එකක් හදාගන්න හැටි.

VMWare කට්ටිය ගෙ products අම්බානක් තියනවා. උවමනා වැඩ ටික කරගත්තට පස්සෙ එයාලා නොමිලේ ලබාදෙන VMWare Player එක හොදටම ඇති අපිට ඕනා වැඩපල ටික කරගන්න. අපේ වැඩේට ඒයාලා දින 30ක trial දෙන VMWare workstation කියන මෘදුකාංගය තමා ලබාගන්න ඕනා. මුලින්ම VMWare site එකට ගිහින් Workstation එක බාගන්න.



try for free කියලා තියන link එකට ගියපුවහම ගිනුමක් හදාගන්න කියයි, නම ගම දීලා continue කලා නම් අදාල ගොනුව download කරන්න links දෙයි windows, linx සහ linx 64bit සදහා වෙන වෙනම. තමන් භාවිතා කරන මෙහෙයුම් පද්ධතියට අදාල ගොනුව ලබාගන්න.



මම මේ ලිපියෙන් විස්තර කරන්නෙ ubuntu මත මෘදුකාංගය පිහිටුවන ආකාරය. windows වලත්‌ ඉතින් double click කරලා next->next->next->finish නේ?

ගොනුව බාගත වුන තැනට terminal එක භාවිතා කරලා යන්න.
උදා
cd ~/Downloads

(ඔය ~/ කියන්නෙ පරිශීලකයගෙ home directory එක කියලා දන්නවනෙ ;)

ඊට පස්සෙ ගොනුවට execution rights දෙන්න

# chmod +x <ගොනිවේ සම්පූර්ණ නම>
# chmod +x VMware-Workstation-Full-7.1.2-301548.i386.bundle

ඊට පස්සෙ ගොනුව Run කරන්න ./ සමග ගොනුවෙ නම දෙන්න
# ./VMware-Workstation-Full-7.1.2-301548.i386.bundle

මෙතන ඉදලා GUI එකකින් තමා වැඩ වෙන්නෙ. ප්‍රශ්ණ අහන ඔක්කොටම default settings තියෙද්දි next කරගෙන යන්න. installation එක ඉවර වුනහම Virtual Network Editor, VMWare Player සහ VMWare Workstation කියලා මෘදුකාංග තුනක් system tools ඇතුලෙ දැකගන්න පුලුවන් වෙයි. VMWare Player එක භාවිතා කරලා අපිට virtual machine ඕන තරම් හදාගන්න කිසිම තහනමක් නෑ. පුංචි අලේකට තියෙන්නෙ vmware player එකෙන්‌ හදපු VM එකකට අපිට ඕනා විදියට network adapter එකක්‌ ආදේශ කරන්න බැරි කම.



නමුත් ඒ VM එකම VMWare Workstation එකෙන් open කලාම network adapter එක select කරන්න තියන dialog එක සක්‍රීය වෙනවා. එතන තියන options වලින්‌ අන්තිම එක "custom: specific network" කියන එක තෝරලා save කරන්න.




ඔන්න ඔය ටික කරගන්න තමා අපිට VMWare Workstation ඕනා වුනේ. වැඩේ කරගන්න දවස් 30ක් ගියෙ නෑ නේ :P. ඔය විදිහට machine දෙකතුනක් හදාගන්න වෙනස් වෙනස් OS සදහා. තවත්‌ දෙයක්, VM සදහා memory ලබාදෙනකොට පරිස්සම් වෙන්න. ඔයාගෙ පරිගණකය 2GB නම්‌ 1GB දීලා‌ හදපු VM දෙකක්‌එකපාර run කරද්දි අල ගෝනියයි කියලා අමුතුවෙන් කියාදෙනරන ඕනෙ නෑ නෙ. අපි මේ VM පාවිච්චි කරන්නෙ networking පුරුදු වෙන්න මිසක් video game ගහන්න නොවෙන නිසා අවම memory සහහිතව ගැදුවා කියලා ප්‍රශ්ණයක් වෙන්නෙ නෑ.

දැන් තියෙන්න හදපු VM වලට මෙහෙයුම් පද්ධති පිහිටුවන්න. Windows වල licensing ප්‍රශ්ණ නිසා windows VM විදියටම ලබාගන්න බෑ. හැබැයි හැම ලිනක්ස් පද්ධතියකටම වගේ VM එක නොමිලේ ලබාගන්න පුලුවන් VMWare appliances වෙතින්. එහෙම ලබාගන්න vm එහෙමත් VMWare Workstation එකෙන් විවෘත කරලා network adaptor එක තෝරලා save කරගන්න අමතක කරන්න එපා.

ඊලග ලිපියෙන් බලමු කොහොමද මේ VM කිහිපයක් භාවිතා කරගෙන network එකක්‌ හදාගන්නෙ කියලා.