තමන්ගේ කියා domain name එකක් ගත් පසු

බ්ලොග් එක එහෙම නැගලා යනකොට තමන්ගෙම කියලා domain name එකක් අරගන ඒතනට තමන්ගෙ blog එක ගෙනියන්න හුගදෙනෙක් කැමතී නෙ. මේ වැඩේ කරද්දි කෙරෙන තාක්ශණික කටයුතු සරලව තේරුම් අරගෙන පහසුවෙන් වැඩේ කරගන්න හැටි ගැන කතාකරන්නයි මේ උත්සහ කරන්නෙ.

domain name එකක් ගන්නවා කියන්නෙ දුරකථන නාමාවලියට තමන්ගෙ නම ඇතුලත්‌කරනවා වගේ වැඩක්. වෙනසකට තියෙන්නෙ දුරකථන අංකයක් නැතිව නාමාවලියට නම ඇතුලක් කරන්න බැහැ නෙ. නමුත් කෙනෙකුට domain name එක විතරක් මිලදීගෙන තියාගන්න පුලුවන්. හරියට දුරකථන අංකයක් නැතිව නම විතරක් නාමාවලියට ඇතුල් කරලා තියනවා වගේ. හිතන්න ඔයා amdan.lk කියන ඩොමේන් නාමය මිලදීගත්තා කියලා. හොස්ටින් සපයන සේවාවක් (මිලදීගත් හෝ නොමිලේ) නොමැතිනම් amdan.lk වෙත යන කෙනෙක්ට දකින්න ලැබෙන්නෙ "Server not found" කියන පනිවුඩය. godaddy, 123reg ආදී බොහෝ ආයතන domain name එක සමගම web hosting සහිත පැකේජ විකිනීම සිදු කරනවා. මේවා පරිපාලනය කිරීම (domain, web දෙකම) එකම පාලන පැනලයකින් කලහැකිවීම තමා පහසුවකට තියෙන්නෙ.

blogger, wordpress වගේ සේවාවන් ගැන යාලුවෙක්ගෙ දුරකථනයක් විදියට හිතන්න. කවුරුහරි ඒ යාලුවගෙ දුරකථන අංකෙට කතාකරලා 'ඇම්ඩන්ට පණිවිඩයක් කියන්න' කියලා කිව්වම යාලුව කොහොමහරි කරලා ඔයාට පණිවිඩේ ලැබෙන්න සලස්වනවා නේද?

වෙබ් හොස්ටින් සේවාවක් ගන්නවා කියන්නෙ තමන්ගෙම කියලා දුරකථනයක් ගන්නවා වගේ වැඩක්. හොස්ටින් සේවාව ගත්තට පස්සෙ දුරකථන නාමාවලිය වෙනස් කරන්න ඕනා ඔයාගෙ නමට ඉස්සරහින් අලුත ගත්තු අංකය යොදලා. දුරකථන නාමාවලියෙ වෙනස්කමක් කලොත් ඒක වෙනස් වෙන්නෙ ලබන අවුරුද්දෙ නිකුත් වෙන නාමාවලියෙ නේද? ඒ වගේ domain setting වෙනස් කලහමත් ඒ වෙනස්කම සක්‍රීකය වෙන්න උපරිම පැය 48ක් දක්වා කාලයක් ගතවෙන්න පුලුවන්. ඒක නිසා වෙනස් කරපු ගමන් වැඩ කලේ නෑ කියලා කලබල වෙන්නෙ නැතිව 'ඉවසන දනා රුපු යුදයට නැති කඩුව කොස් කොටන්නද' කියලා ඉවසලා ඉන්න තමා තියෙන්නෙ.

A records
domain name එකක contents කොහෙද තියෙන්නෙ කියලා කියන්න තමා මේක තියෙන්නෙ. උදාහරණයක් විදියට amdan.lk වෙත එන කෙනෙක්ව ඒ අඩවිය host කරලා තියන තැනට යොමු කරන එක තමා A record එකක රාජකාරිය. අපි හිතමු ඔයා මිලදීගත්තු web server එකේ ලිපිනය 34.56.67.23 කියලා.(මිලදීගත්තෙ web hosting plan එකක් නම් බොහෝ වෙලාවට ඔය ඉලක්කම වෙනුවට නමක් ලැබෙයි) මුලින්ම ඔයාගෙ domain settings වල A record එක සකස් කරන්න මේ විදිහට.
name: amdan.lk
content: 34.56.67.23
type: A
ttl: 300


CNAME records
domain name එක ගොඩනැගිල්ලක ලිපිනය කියලා හිතන්න. එකම ගොඩනැගිල්ලෙ උනත් apartment කිහිපයක් තියෙන්න පුලුවන් නේද? උදාහරණයක් විදියට ලිපිනය 130 නම් 130\1, 130\2 ආදී වශයෙන් උප කොටස් තියනවා දැකලා තියනවනේ?. ඔය විදිහ ඔයාගෙ domain name එකත් සමග sub domains පාවිච්චි කරනවා නම් අදාල sub domain තියන තැන් වලට point කිරීමට තමා CNAME records භාවිතා වෙන්නෙ. cname වල මූලිකම ප්‍රයෝජනය තමා විවිධ සේවා කොටස් විවිධ server වල ධාවනය කරවීම. උදාහරණයක් විදියට ඔයා මිලදීගත්තු amddan.lk අඩවියට බ්ලොග් එකක් එකතු කරන්න යනවා කියලා හිතන්න. මේ සදහා ඔයා තීරණය කරනවා blogger අඩවියේ සහය ලබාගන්න. මේ සදහා මුලින්ම amdan.lk වලට blog.amdan.lk කියලා CNAME record එකක් ඇතුල් කරලා කියනවා මේ නම හොයාගෙන කවුරුහරි ආවොත් content වල දක්වලා තියන තැනට යවන්න කියලා

උදා (blogger සදහා)
Name: blog.amdan.lk
content: ghs.google.com
type: CNMAE
ttl: 300

ඊටපස්සෙ blogger ට කියන්නත් ඕනා blog.amdan.lk හොයාගෙන කවුරුහරි ආවොත් ඔයාගෙ බ්ලොග් එකට එවන්න කියලා ඔයාගෙ blog එකේ settings හදන්න ඕනා.


දැන් තියෙන්නෙ කලින් කිව්ව වගේ ටිකක් ඉවසලා ඉන්න. සැරින් සැරේ blog.amdan.lk වලට ගිහින් බැලුවට ඉතින් කමක් නෑ.



MX records
මෙතන MX කියලා හැදින්වෙන්නෙ mail exchange කියන එක. ඔයාගෙ domain name එක භාවිතා කරලා e-mail සේවාවක් ලබාදෙනවනම් ලැබෙන request අදාල mail server එකට යොමු කරන්න තමා mx record තියෙන්න ඕනා. වෙබ් සේවා සපයන බොහෝ ආයතන web hosting plan එක සමගම email ලිපින කිහිපයක් ලබාගෙනවා. නමුත් ඔයාගෙ mail exchange එක ලෙස google apps සේවාව භාවිතා කරලා නොමිලේම විද්‍යුත් ලිපින 50ක් දක්වා ලබාගන්න හැකියාව තියනවා. මෙතෙන්ට ගිහින් කියලා තියන පියවර පිලිපදින්න විතරයි තියෙන්නෙ.